منتديات دموع الرحيل

للجد والوناسة والصرقة والانقه والثقافة
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 اعرفو كيف تتصرفون في مثل هالمواقف .....

اذهب الى الأسفل 
كاتب الموضوعرسالة
معاني الحب
المدير العام
المدير العام
avatar

ذكر
عدد الرسائل : 124
العمل/الترفيه : طالب
المزاج : رايق
تاريخ التسجيل : 22/11/2007

مُساهمةموضوع: اعرفو كيف تتصرفون في مثل هالمواقف .....   السبت ديسمبر 29, 2007 7:55 am




هناك سلوكيات خاطئة في مجتمعاتنا
لذا يجب توضيح الخطأ ... ومحاولة أن أصلاحه بسلوك تربوي حضاري ...

بسم الله الرحمن الرحيم نبدأ ..






خطأ :عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...


الصحيح :تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...
ثم ..

تقوله شيل الكتب .. ومرة ثانية فتح عيونك يالـوح ..



ــــــــــــــــــــــــــــــــــــ




خطأ :تفتح الإشارة .. ثم يعلق يزمّر لك اللي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...



الصحيح :تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ...
ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..


ــــــــــــــــــــــــــــــــــــــ




خطأ :تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق



الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين


تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..
ثم ..

قبل لاتطلع تقوله لاصارت جامعة ابوك تكلم..



ــــــــــــــــــــــــــــــــــــــــــ




خطأ :جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تنطش بوجهك ... ويضحكون عليك ..

فتقول ... هههههه الله يرجك والله لارد لك المقلب ..



الصحيح : تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ...
ثم ..


تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...


ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...



ـــــــــــــــــــــــــــــــــــ




خطأ :
تحلق عند حلاق ... ومتحمس تعلمه سوي كذا ... وسوي كذا ...
وهو يقولك .. أنا في معلوم .. أنت بس ارتاح ...


وتتركه ... وتلقاه حالق نص شنبك ((شاربك)) ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...




الصحيح :تأخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...


ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
ثم ..


قل بينك وبين نفسك ... ماعمري أحلّق عنده ...



ـــــــــــــــــــــــــــــــــــــــــــ




خطأ :تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...




الصحيح :تاخذ لك بلكّه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه واجلده ...


إن صاح خير ونعمة ...


وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...



ـــــــــــــــــــــــــــــــــــــــــــ




خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد




الصحيح :حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني



ـــــــــــــــــــــــــــــــــــــــــــــ




خطأ:ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...



ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..





الصحيح :اول شي تروح تدور دريل بالبيت وبعدين تروح وتصعد له ولا تدق الباب ولا الجرس اضرب الباب بدريل لين يفتح



وليا فتح تفرط علي كبد ابوه وتحط الدريل براسه وتخرم براسه لحد تصيرالفتحات بجنب بعض ...




ــــــــــــــــــــــــــــــــــــــــ





خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون
مايشاورك ... ثم تقوله ليش ياخي ماتشوفني متابع؟؟




الصحيح :صكه بالصينية ... ولحقه ببياله وإلا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...



ــــــــــــــــــــــــــــــــــــــــــــ





خطأ:
تكتب بعد نهاية اي موضوع تكتبه في المنتدى

(( إان شاء الله ما طولت عليكم وتجلس تتأسف وكأنك مسوي جريمه ))




الصحيح :المفروض تكتب أقرأ وأنت ساكت واذا طولت موضوعي وكيفي وإذا مو عاجبك لا تقرأ .
<<<<




ههههههههههههههههههههههههههههههههههههههههههههه

يالله عاااد الحين طبقوووهم هههههههههههههههه



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.dmoa.ahladalil.com
 
اعرفو كيف تتصرفون في مثل هالمواقف .....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دموع الرحيل :: الضحك والصرقعه-
انتقل الى: